Боҙ һәм ҡар фестивале көнө

Район үҙәгендә һәм ауыл биләмәләрендә, ауылдарҙа көндән көн ярыштар, уйындар күберәк кешеләр йәлеп итеп, ойошҡанлы үтә бара.

Кисә үткән быймала футбол ярышында беренсе урынды Асҡар, икенсене Атауҙы, өсөнсөнө Ишбулды ауылдары командалары алды. “Айыҡ ауыл” республика конкурсында ҡатнашыусы таштимерҙәр өр яңынан төҙөлгән хоккей майҙансығын астылар.

Бөгөн Асҡарҙа район хаҡимиәте башлығы кубогына мәктәп уҡыусылары командалары араһында хоккей ярышы үтә.

Шулай уҡ, өлкәндәр өсөн онлайн шахмат турниры үткәреү ҡаралған.