Бөтә яңылыҡтар
Йәмғиәт
29 Ғинуар 2021, 10:05

Учалыла “аҡыллы туҡталыштар” барлыҡҡа киләсәк

Рәсәй Президенты Владимир Путиндың май указдарында билдәләнгән “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарын яҡлау” милли проекты нигеҙендә республикабыҙҙа “Йүнселлек эшмәкәрлеген алып барыу шарттарын яҡшыртыу” төбәк проекты уңышлы тормошҡа ашырыла.#национальныепроекты#регпроекты#нацпроектыБашкортостан

Урындарҙа үҙ кәсебен йәйелдергәндәргә төрлө яҡлап булышлыҡ итеү менән бер рәттән, район-ҡала хакимиәттәрендә “Эшҡыуарлыҡ сәғәте” үткәреү ҙә ыңғай һөҙөмтә бирә.
Ошо көндәрҙә Учалы районы хакимиәтендә видеоконференция форматында уҙғарылған “Эшҡыуарлыҡ сәғәте”ндә мөһим инвестиция проекты ҡаралды.
Проект инициаторы Учалы ҡалаһы урамдарында сауҙа павильондары менән заманса дизайнлы “аҡыллы” автобус туҡталышы урынлаштырырға ниәт итә. Был - йәмәғәт транспортын көткәндәргә уңайлы булһын өсөн өҫтәмә функциялар һәм видеокүҙәтеү менән ҡорамалландырылған интерактив туҡталыш буласаҡ. Хеҙмәтләндереүҙең яңы төрө ҡала инфраструктураһына ла ыңғай тәьҫир итәсәк, юл хәрәкәте хәүефһеҙлегенә лә өлөш индерәсәк.
Эшҡыуарға “аҡыллы” туҡталыштарҙы урынлаштырыу өсөн бер-нисә урын тәҡдим ителде, аукцион процедураһын үткәреү буйынса кәңәштәр бирелде.
Читайте нас в