Ирекмәндәр онлайн-тауыш биреүҙә ярҙам итә

26 апрелдә Өфөлә, бөтә илдәге кеүек үк, Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль проектына ярашлы, 2022 йылда төҙөкләндереләсәк йәмәғәт биләмәләрен һайлау буйынса онлайн-тауыш биреү башланды. Тауыш биреү алымы ҡыйын түгел – һәр кем https://2.gorodsreda.ru платформаһы сайтында киләһе йыл үҙе йәшәгән ҡалала йәки төбәктә тәртипкә килтерелергә тейешле биләмәне йәки дизайн-проекттарҙы һайлай ала. Өфөлә Блюхер урамынан алып Октябрь проспектына тиклем Дан бульварын һәм Муса Гәрәев скверын төҙөкләндерергә тәҡдим итәләр.

Әйткәндәй, проект ирекмәндәре тауыш бирергә ярҙам итә. Уларҙы баш ҡалалағы 14 мәғлүмәт нөктәһендә - “Эврика” йәштәр үҙәгендә, “Затон”, “Ирәмәл”, “Каруанһарай”, “Йәйғор-Экспо”, “Акварин”, “Аркада”, “Ғаилә”, “Меркурий” сауҙа комплекстарында, “Ҡашҡаҙан”, “Дим” парктарында, “Искра IMAX” кинокомплексы алдындағы, С. Орджоникидзе исемендәге майҙанда, 1 Май исемендәге Тимер юлсылар мәҙәниәт һарайында табырға була.

Тауыш биреүгә ҡағылған һорауҙар менән 8 (800) 600-20-13 берҙәм бушлай телефоны аша мөрәжәғәт итергә мөмкин. “Ҡыҙыу бәйләнеш” 30 майҙа тауыш биреү тамамланғанға тиклем тәүлек әйләнәһенә эшләй.

Фото: ufacity.info/press/news/405324.html

Сығанаҡ: https://srk.nationalpriority.ru/press_releases/92077