Эшсе көстәр кәмей

Статиститка мәғлүмәттәренә ярашлы, Башҡортостанда эшсе көстәр һаны кәмей бара һәм май айына 1,919 миллион кеше булған.

Шуларҙың 1,825 миллионы иҡтисад өлкәһендә мәшғүл. 94 мең кеше эшһеҙ һанала. Республикала дөйөм эшһеҙлек кимәле 4,9 процент тәшкил итә. Сағыштырыу өсөн, Башҡортостанда ғинуар-март айҙарында эшсе көстәр 1,932 миллион кеше тәшкил иткән. Рәсәй буйынса, эшсе көстәр ағымдағы йылдың апреленә дөйөм алғанда 75 миллион, Волга буйы федераль округында 14,7 миллион кеше булған.