Һөнәри оҫталыҡ бәйгеһе дауам итә

Башҡортостан Хөкүмәте Премьер-министры Андрей Назаров “Иҡтисади үҫештә эволюция компетенцияһы” тигән пленар ултырышта  билдәләүенсә, Башҡортостан өсөн был сараның файҙаһы бик ҙур.  Атап әйткәндә, колледждарҙа техник база яңыртыласаҡ, оҫтаханалар артасаҡ. 

Шулай уҡ Андрей Назаров Башҡортостан был йүнәлештә күптән эшләүен әйтеп, чемпионатты ҡабул итеү мөмкинлеге тыуғас, улар ике маҡсатты күҙ уңында тотоуын белдерә. Беренсенән, Башҡортостан, ниндәй генә кимәлдә булмаһын, шундай оло сараларҙы ҡабул итеүгә һәләтле. Икенсенән, республикабыҙҙа йәштәргә эш һәм оҫталыҡ өҫтәү мөмкинлеге ҙур.