Дәүләт хеҙмәттәре порталында үҫмерҙәр ҙә теркәлә ала

Дәүләт хеҙмәттәре порталы менән файҙаланған ата-әсәләр, 14 йәштән кесе балаларын үҙҙәре ошо сервисҡа индерә ала. Артабан балалар үҙҙәренә кәрәкле хеҙмәттәр менән портал аша ҡулланыу мөмкинлегенә эйә була. Йәғни, Рәсәй гражданы булған бала «Госуслуги» сайтында үҙенең шәхси кабинетын асып, һуңыраҡ, юридик ғәмәлдәр атҡарыу йәше тулғас, уның менән иркен файҙалана башлаясаҡ. Мәҫәлән, 14 йәштә паспорт алыу өсөн, «Госуслуги»ла теркәлгән үҫмер, ата-әсәһе ярҙамында, ошонан заявка ебәрә ала. Әммә аккаунтты яҡлау өсөн паролдәрҙе атай йәки әсәй менән бергәләп булдырыу хәйерле.