Путин хөкүмәт ағзалары менән кәңәшмә үткәрҙе

Президент Владимир Путин Рәсәй Именлек Советының даими ағзалары менән оператив кәңәшмә үткәрҙе. Ул вице-премьер Татьяна Голикованан, һаулыҡ һаҡлау министры Михаил Мурашконан һәм "Роспотребнадзор" етәксеһе Анна Попованан коронавирус менән көрәш нисек барыуын, ял көндәренең хәлде нисек үҙгәртеүен һәм алдағы ваҡытта нимә эшләргә йыйыныуҙары тураһында хәбәр итеүҙәрен һораны.

Бынан алда был мәсьәлә премьер-министр Михаил Мишустиндың сиргә ҡаршы көрәш буйынса координация советы президиумында тикшерелде. Унда ҡатнашыусылар әйтеүенсә, бер эш аҙнаһы хәлде үҙгәртергә мөмкинлек биргән. Ил биләмәһендә ауырыуҙарға ҡаршы саралар көсәйтелгән. "Инфекцияны асыҡлау буйынса тест үткәреүҙе арттырабыҙ. Меңдән ашыу лаборатория эшләй, - тип һыҙыҡ өҫтөнә алды Мишустин. - коронавирустан вакцинация әүҙем бара. Төбәктәргә бөтәһе 80 миллион доза йүнәлтелгән ".