+16 °С
Облачно
Йәмғиәт
25 Января 2022, 08:55
Быйыл яңы тыуған сабыйҙарҙы ниндәй бүләк көтә?
Әлегә тиклем уголок, кофта, ползунки, башлыҡ, плед, янғынды иҫкәртеү приборы бирелә ине.
Башҡортостанда быйыл яҙ яңы тыуған сабыйҙар өсөн бүләк йыйылмаһы үҙгәрә. Был хаҡта «Башинформ» агентлығына республиканың Ғаилә, хеҙмәт һәм халыҡты социаль яҡлау министрлығынан хәбәр иттеләр.
Хәтерегеҙгә төшөрәбеҙ, 2001 йылдан республика властары урындағы бала табыу йорттарында донъяға килгән бөтә сабыйҙарға бүләк әҙерләй. Йыйылманың составы һәм үҙҡиммәте ваҡыты-ваҡыты менән үҙгәреп тора. 2021 йылда йыйылмаға уголок, кофта, ползунки, башлыҡ, плед, янғынды иҫкәртеү приборы индерелде.
Быйыл 1 марттан бүләк итеп һигеҙ әйбер бирелә: уголок, кофта, ползунки, башлыҡ, янғынды иҫкәртеү приборы, сумка, одеяло, бәйләнгән комбинезон.
