Мәрхүмдәрҙе иҫкә алыу көнө күсерелде

Башҡортостан Башлығы Радий Хәбировтың указына ярашлы 2 майға билдәләнгән  Мәрхүмдәрҙе иҫкә алыу һәм ихтирам күрһәтеү көнө быйыл Ураҙа байрамы менән тап килә.

Ошоға бәйле Башҡортостан Башлығы хакимиәте етәксеһенең беренсе урынбаҫары Урал Килсенбаев: «Беҙ Тәлғәт Тажетдин, Никон, Башҡортостан мосолмандарының Диниә назараты рәйесе Айнур Бирғәлин менән кәңәшләштек тә, Иҫкә алыу һәм ихтирам көнөн 30 апрелдә үткәрергә кәрәк тигән фекергә килдек», — тип белдерҙе.

Шулай итеп, мәрхүмдәрҙе иҫкә алыу һәм ихтирам күрһәтеү көнө 30 апрель — оҙайлы ялдарҙың тәүге көнөнә тура килә. Был көндө Башҡортостанда йәшәүселәр, ниндәй дин тотоуына ҡарамаҫтан, зыяраттарҙы тәртипкә килтерә.