Инвестиция һабантуйына ике йөҙләп ирекмән йәлеп ителгән

Бындай мөһим сараны ирекмәндәр ярҙамынан тыш тормошҡа ашырып булмаҫ ине. «Урал аръяғы-2022» инвестиция һабантуйын үткәреүгә Өфөнән, Бәләбәйҙән, Сибайҙан, Салауаттан, шулай уҡ Мәскәүҙән ике йөҙгә яҡын бала йәлеп ителгән.

Ирекмәндәр үҙ бурысын киләһе йүнәлештәр буйынса башҡара: ҡаршылау һәм оҙатыу, аккредитация, урынлаштырыу, навигация, протокол хеҙмәттәре, эшлекле программа ирекмәндәре.

Ирекмәндәрҙең күбеһе, йәғни 70 кеше, «Навигация» функцияһына йәлеп ителгән. Волонтер-навигаторҙар ҡунаҡтарҙың һәм ҡатнашыусыларҙың һорауҙарына алсаҡ һәм дуҫтарса яуап бирергә, форум майҙансыҡтары буйлап юл күрһәтергә, шулай уҡ кәрәк булғанда тәғәйенләнгән урынға тиклем оҙатып барырға әҙер булырға тейеш.

Сығанаҡ: pravitelstvorb