Республика икенсе урында

«Берҙәм Рәсәй» партияһы ойошторған «Иң яҡшы йорт. Иң яҡшы ихата» Бөтә Рәсәй конкурсына илдең 82 төбәгенән биш меңдән ашыу ғариза килгән. Башҡортостан уларҙың һаны буйынса (314), Мәскәү өлкәһенән генә ҡала, икенсе урында. 

Күп фатирлы йорттарҙа йәшәүселәр алты номинация буйынса ғариза биргән: «Күп фатирлы йорт с.оветының иң яҡшы эше тәжрибәһе», «Торлаҡ милекселәре ширҡәтенең иң яҡшы эш тәжрибәһе», «Иң татыу йорт», «Иң яҡшы капиталь ремонт эшләү тәжрибәһе», «Иң яҡшы подъезд», «Иң яҡшы ихата». Һәр категорияла өсәр призлы урын билдәләнгән. Эксперттарҙың баһаһы һәм 127 меңдән ашыу кеше ҡатнашҡан тауыш биреү йомғаҡтары буйынса еңеүселәр асыҡланған, уларҙы 11 сентябргә тиклем бүләкләргә тейештәр. Әүҙем ҡатнашыусыларға иһә Дәүләт Думаһының Төҙөлөш һәм торлаҡ-коммуналь хужалыҡ комитетының һәм партияның төбәк башҡарма комитеттарының рәхмәт хаттары тапшырыла.Тәүге өс еңеүсе исемлегенә инмәгән конкурсанттар лауреат грамоталары менән бүләкләнә.