-3 °С
Болотло
Антитеррор
Бөтә яңылыҡтар
Йәмғиәт
24 Сентябрь 2022, 15:10

Хөкүмәт мобилизацияланғандар өсөн эш урындарын һаҡлап ҡалыу тураһында ҡарарҙы раҫланы

Бындай ҡарар граждандарҙың социаль-хеҙмәт гарантияларын тәьмин итеү өсөн ҡабул ителде

Хөкүмәт мобилизацияланғандар өсөн эш урындарын һаҡлап ҡалыу тураһында ҡарарҙы раҫланы
Хөкүмәт мобилизацияланғандар өсөн эш урындарын һаҡлап ҡалыу тураһында ҡарарҙы раҫланы

Рәсәй Хөкүмәте мобилизацияланған граждандар өсөн эш урындарын һаҡлап ҡалыу тураһында ҡарарҙы раҫланы. 22 сентябрҙә  кабминдың рәсми сайтында ошо хаҡта мәғлүмәт баҫылған.

«Мобилизацияланған граждандар хеҙмәт килешеүен һаҡлап ҡалырға һәм аҙаҡ элекке эш урынына кире ҡайтырға мөмкин. 2022 һәм 2023 йылдарҙа ғәмәлдә булған хеҙмәт мөнәсәбәттәрен хоҡуҡи көйләү үҙенсәлектәренә тейешле үҙгәрештәр индерелде һәм хөкүмәт рәйесе Михаил Мишустин ҡул ҡуйған ҡарар менән раҫланды», — тиелә белдереүҙә.

Текста билдәләнеүенсә, өлөшләтә мобилизация буйынса саҡырылған граждандар менән хеҙмәт килешеүҙәре туҡтатыла, әммә өҙөлмәй. Уларҙың эш урындары һаҡлана.

Бындай ҡарар граждандарҙың социаль-хеҙмәт гарантияларын тәьмин итеү өсөн ҡабул ителде. Ул 2022 йылдың 21 сентябрендә барлыҡҡа килгән хоҡуҡ мөнәсәбәттәренә ҡағыла.

"Башинформ"дан.

Автор:Рамиля Истанбаева
Читайте нас: