Ташламалы ғаилә ипотекаһы

Быйылдан Ғаилә ипотекаһын ҡулланыу мөмкинлеге киңәйә – хәҙер 18 йәшкә тиклем ике йәки унан күберәк бала тәрбиәләгән ғаиләләр ҙә был ташламалы ипотека менән ҡуллана ала.

Ғаилә ипотекаһы 6 процентлы ставка менән бирелә.

Ил Президенты Владимир Путин Стратегик үҫеш һәм милли проекттар буйынса совет ултырышында белдереүенсә, быға тиклем ғәмәлдә булған Дәүләт яҡлауы менән бирелгән ипотека 1 процентҡа артты һәм яҡынса 7-8 процент тәшкил итәсәк. Ул 2024 йылдың 1 июленә тиклем ғәмәлдә буласаҡ.

Был яңылыҡ “Демография” милли проектын үтәүгә лә үҙ өлөшөн индерәсәк.