Донъя кимәлендәге балалар һауыҡтырыу лагеры буласаҡ

Башҡортостандың беренсе вице-премьеры, иҡтисади үҫеш министры Рөстәм Моратов Сибайҙа донъя кимәлендәге «Шифа» балалар һауыҡтырыу лагеры барлыҡҡа киләсәген, бизнес-шерифтар форумы барышында белдерҙе. Проектты тормошҡа ашырыу өсөн дәүләт-шәхси партнерлыҡ  ысулы аша шәхси инвестициялар йәлеп ителәсәк.

     Лагерь сменаһына 350-гә яҡын баланы ҡабул итәсәк. Уны 2024 йылдың 1 сентябренә асыу күҙаллана. Проекттың хаҡы 3 миллиард һум тәшкил итә.

“ Сибай өсөн был бик яҡшы проект, беҙҙең республикала ғына түгел, күрше төбәктәрҙә лә уға оҡшаш юҡ”,  тип һыҙыҡ өҫтөнә алды Рөстәм Моратов.