Башҡортостан ирекмәндәре «Изгелек юлынан» волонтерҙар экспедицияһында ҡатнаша ала

Конкурста ҡатнашыу өсөн 1 авгусҡа тиклем  “Бәйләнештә” социаль селтәрендә #ПОПУТИСДОБРОМ хэштэгы менән асыҡ һауала төшөрөлгән видео һалырға, шулай уҡ «ДОБРО.РФ» платформаһында теркәлергә кәрәк.

    Эштәр бер нисә номинацияла ҡабул ителә:

• Рәсәй Федерацияһының йәки төбәктең тарихи йәки мәҙәни мираҫы объекты буйынса видеоэкскурсия;
• йәшәгән төбәктәге иҫтәлекле урындары буйлап видеоэкскурсиялар;
• йәшәгән урыныңдағы ҡыҙыҡлы һәм уникаль урындары буйлап видеоэкскурсия;
• мәҙәниәт учреждениелары буйлап видеоэкскурсия;
• ғәжәп тәбиғәт донъяһының үҙенсәлектәре буйынса видеоэкскурсиялар;
• Рәсәй Федерацияһы биләмәһендә йәшәгән халыҡтарҙың мәҙәниәте һәм йолалары тураһында видеоэкскурсия;
• Рәсәй буйлап видеосәйәхәт.

 Конкурста Рәсәй биләмәһендә даими йәшәгән 17 йәштән 35 йәштәгеләр, шулай уҡ 35 йәшкә тиклемге йәш ғаиләләр ҡатнаша ала.

     Экспедиция программаһында: ирекмәндәр эшмәкәрлеге нигеҙҙәре буйынса лекциялар, уникаль экскурсиялар, шулай уҡ мобиль контент булдырыу теорияһы һәм практикаһы менән танышыу ойошторола.

      Ҡатнашыусылар өсөн акциялар һәм флешмобтар, шулай уҡ Волгоград - Һарытау - Һамар - Ҡазан кеүек дүрт ҡала биләмәһендә ирекмәндәр саралары комплексы ойоштороласаҡ.

 Ғаризалар https://dobro.ru/event/10383293  һылтанмаһы буйынса ҡабул ителә.

 Сараның ойоштороусыһы булып Йәштәр эштәре буйынса Федераль агентлығы сығыш яһай.