1 ғинуарҙан пенсия индексациялана

Яңы йылдың 1 ғинуарҙан эшләмәгән граждандарҙың страховка пенсиялары 7,5 процентҡа артыуы көтөлә. Шулай уҡ билдәләнгән түләү арта, 1 ғинуарҙан ул 8134 һум була. Страховка пенсияһының дөйөм суммаһына ингән шәхси пенсия коэффициенты хаҡы ла 133,05 һумға тиклем күтәрелә.

Уҙған йылдарҙағы кеүек үк, граждандарға уңайлы булһын өсөн индексация автоматик рәүештә башҡарыла, Социаль фондҡа мөрәжәғәт итеү талап ителмәй.

 Халыҡтың йәшәү рәүешен яҡшыртыу маҡсатында индерелгән был үҙгәрештәр  “Демография” милли проектының “Оло быуын” федераль программаһы үтәлешен ҙур өлөш индерә.