Ял итергә теләһәң...

Башҡортостанда «Башҡортостанда оҙон ғүмерлелек» программаһы эшләп килә. Төп м маҡсаты – оло быуын вәкилдәренең һаулығын нығытыу, социаль әүҙемлек осорон һәм ғүмер оҙайлығын арттырыу булған программа “Демография” милли проекты бойомға ашырыуға ла булышлыҡ итә. Ошоға тиклем  хаҡлы ялдағылар Башҡортостан, шулай уҡ Рәсәйҙең башҡа төбәктәре буйлап сәйәхәт итте. Ошо программа ярҙамында Белоруссияны күреүселәр ҙә булды. БР Ғаилә, хеҙмәт һәм халыҡты социаль яҡлау министры Ленара Иванова республиканың Дәүләт Йыйылышындағы кәңәшмәлә белдереүенсә, проектҡа Мәскәү, Санкт-Петербург һәм Ҡаҙағстанға турҙар өҫтәлә.

Уҙған йыл Йәнгелдән Сара һәм С алауат Әпсәләмовтар «Башҡортостанда оҙон ғүмерлелек» программаһы ярҙамында Белоруссиялны күреп ҡайтты.