«Иң әүҙем үҙидара хеҙмәткәре» конкурсы

Йәнгел ауылы биләмәһендә барлығы биш ауыл. Ялан яғы халҡы үҙенең эшкә таһыллығы, берҙәмлеге менән айырылып тора. Шуға ла иғтибарлы, ихтирамлы, һәр яҡлап ярҙам итергә әҙер торған етәксенең тәҡдимдәрен халыҡ кире ҡаҡмай, берҙәм эшкә тотоналар. Берҙәмлектә  башҡарылған эштәр һөҙөмтәһен бирмәй ҡалмай. Бергәләшеп, барлыҡ ауылдарҙың да тышҡы йөҙөн төҙөкләндереүгә, тәртипкә килтереүгә күп көс һалалар. Рөстәм Эрнст улы махсус хәрби операциялағы һалдаттарыбыҙға гуманитар ярҙам йыйыуға  ихлас булышлыҡ итә. Ярҙамды һалдаттарға алып барып тапшырыуҙы ла үҙ өҫтөнә ала. Бер ниндәй ҙә саранан ситтә ҡалмай, ихлас,тыуған яғына битараф булмаған етәксебеҙгә ҡаҡшамаҫ һаулыҡ, яңы,ҡыҙыҡлы проекттар, дәрт, илһам көсө теләйбеҙ.