Мәктәпкә әҙерләнергә ярҙам ит!

Төп маҡсаты – аҙ тәьмин ителгән һәм күп балалы ғаиләләргә, тулы булмаған ғаиләләргә, һаулыҡ мөмкинлектәре сикләнгән балалар тәрбиәләгән ата-әсәләргә ярҙам итеү булған «Мәктәпкә әҙерләнергә ярҙам ит» хәйриә акцияһы башланды.  Акция 1 июлдән старт алды.  

Әбйәлилдәр ҙә йыл да был акцияға әүҙем ҡҡушыла, унда ойошмалар, муниципаль власть органдары, ябай кешеләр ҙә әүҙем ҡатнаша.

Мәрхәмәтлек акцияһынҙда ҡатнашыусылар аҡсалата  иғәнә индерә,  шулай  уҡ балаларға мәктәпкә барырға кәрәкле портфель, мәктәп формаһы, уҡыу әсбаптары, нәфис әҙәбиәт, канцелярия кәрәк-ярағы ла тапшыра. Бында әйберҙәрҙең яңы йәки яҡшы торошта булыуы шарт.

 Акцияла ҡатнашып мохтажлыҡ кисергәндәргә, шулай уҡ балалы ғаиләләргә ярҙам күрһәтергә була. Аҙ тәьмин ителгән, күп балалы ғаиләләргә ярҙам “Демография” милли проекты үтәлешенә лә булышлыҡ итә.