Ғаиләләргә һәр яҡлап ярҙам күрһәтелә

Ғаилә йылы сиктәрендә күп балалар үҫтергән ғаиләләргә төрлө ярҙам саралары ҡаралған.

Башҡортостанда күп балалы ғаиләләр һәр ваҡыт иғтибар үҙәгендә булды һәм был социаль йүнәлеш республикала айырыуса өҫтөнлөккә эйә. Һуңғы йылдарҙа Волга буйы федераль округында күп балалы ғаиләләр һаны буйынса алдынғы урын биләү — эҙмә-эҙлекле эш һөҙөмтәһе. Демографик хәлде яҡшыртыу, балалар һәм ата-әсәләр өсөн уңайлы шарттар булдырыу өсөн республика ғаилә институтына комплекслы ярҙам күрһәтеү буйынса маҡсатлы сәйәсәт алып бара. Ғаилә йылы сиктәрендә күп балалар үҫтергән ғаиләләргә төрлө ярҙам саралары ҡаралған.

Районыбыҙҙың абруйлы ағинәйе, әүҙем йәмәғәт эшмәкәре Мәүҙиға Баймөхәмәтова күп балалы ғаиләләргә дәүләт тарафынан күрһәтелгән ярҙамды кәрәкле һәм бик урынлы тип баһалай.

Республика Башлығы Радий Хәбиров та үҙенең сығыштарында ғаиләләрҙе дәүләт тарафынан яҡлауға айырыуса баҫым яһай: «Башҡортостанда демографик хәлде яҡшыртыу иң ҡатмарлы мәсьәләләрҙең береһе булып ҡала. Беҙҙең төбәктә элек-электән ғаиләләрҙә балалар күп булған. Әйҙәгеҙ, ошо традицияны һаҡлайыҡ. Үҙ сиратымда мин, балаларығыҙҙы уңайлы шарттарҙа тәрбиәләү өсөн даими һәм эҙмә-эҙлекле шарттар булдырасаҡбыҙ тип әйтергә теләйем. Яңы, заманса мәктәптәр һәм матур балалар баҡсалары етерлек булһын, ҡыҙҙар һәм малайҙар яҡшы йыһазландырылған спорт һәм уйын майҙансыҡтарында уйнаһын, бар яҡтан үҫешһен, үҙебеҙҙең юғары уҡыу йорттарына уҡырға инһен, лайыҡлы эш тапһын һәм үҙ ғаиләләрен булдырһын өсөн барыһын да эшләйәсәкбеҙ».

— Беҙҙең заманда ғаиләләрҙә бишәр-алтышар бала үҫеүе ғәҙәти күренеш булды. Әсәйҙәр дәүләт өсөн түгел, үҙебеҙ өсөн таптыҡ тиерҙәр ине. Республика Башлығы Радий Хәбиров та иң мөһиме — ата-әсә булыу бәхете икәнлеген онотоп, һуңғы йылдарҙа матди байлыҡ, карьера, аҡса эшләү менән мауығып киттек, ти бит. Ә элек хөкүмәттән әлеге кеүек ярҙам, пособиелар булманы. Хатта, декрет ялында оҙаҡ ултырырға форсат булманы. Мәҫәлән, мин 1974 йылда тәүге улыма 40 көн тулмайынса, эшкә сыҡтым. Ҡырҙас мәктәбендә уҡытыусы инем, урыныңа кеше алып тормайбыҙ, сығаһың тинеләр. Ирем армияла, бәләкәс кенә баламды ҡәйнәмә ҡалдырҙым. Мәктәп ауылдың бер осонда, иламаймы икән тип йүгереп ҡайтам, кире барам. Икенсе улыма өс ай тигәндә эшкә саҡырттылар, — ти оҙаҡ йылдар уҡытыусы, һуңынан Ҡырҙас биләмәһе башлығы булып эшләгән Мәүҙиға Нәби ҡыҙы. — Хәҙер әсәйҙәр балаларына ике-өс йәш тулғансы өйҙә ултыралар, балалар баҡсаларына ҡасан теләйҙәр, шунда алып баралар. Урындар күп, сират юҡ. Шөкөр, дәүләтебеҙ йәштәргә ныҡ ярҙам итә. Әсәлек капиталы, пособиелар, төрлө ташламалар күп — рәхәтләнеп файҙалан ғына. Тик әсәйҙәрҙең бер-ике бала менән генә сикләнеүе эсте бошора. Күп балалы ғаиләләр бар яҡтан яҡлаулы. Етеш, матур заманда йәшәйбеҙ бит, республикабыҙ, районыбыҙ киләсәге өсөн ишәйергә, аҡыллы, һау-сәләмәт балалар үҫтерергә кәрәк.

Автор:Динара Сафиуллина

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85