Республикала 3 миллион тонна ашлыҡ йыйып алынған

Башҡортостан аграрийҙары баҫыуҙарҙан өс миллион тонна иген йыйып алған, был иһә иген һәм ҡуҙаҡлы иген культуралары майҙандарының 95%. Республика Башлығы Радий Хәбиров социаль селтәрҙә ошо хаҡта яҙа.

Хәҙер белгестәр көнбағыш йыйыуға төшкән һәм шәкәр сөгөлдөрө майҙандарының өстән ике өлөшөн ҡаҙып алған, тип өҫтәне республика етәксеһе.

«Быйыл һауа торошо ҡатмарлы. Июль һәм август айҙарында ҡойма ямғыр яуғас, беҙ 54 районда ғәҙәттән тыш хәл режимын иғлан итергә мәжбүр булдыҡ. Хәҙер хәл тотороҡланды. Беҙҙең игенселәр гектарынан 21,7 центнер йыя — уңыш былтырғыға ҡарағанда юғарыраҡ. Аграрийҙарға хеҙмәте өсөн рәхмәт белдерәм», — тип билдәләне Хәбиров.

Башҡортостан Башлығы 5 йыл эсендә республиканың 56 миллиард һумға 16 мең берәмек ауыл хужалығы техникаһы һатып алыуын әйтте.

https://www.bashinform.ru/news/social/2024-10-08/v-bashkirii-sobrano-3-mln-tonn-zerna-3960211