Льготалы IT-ипотека һаҡлана

Тыуым кимәле түбән булған төбәктәр өсөн, ә улар 35 самаһы, махсус ярҙам программаһы әҙерләнәсәк, тип белдерҙе Владимир Путин. Улар өсөн айырым ярҙам программаһы әҙерләнә, уның сиктәрендә алдағы бер нисә йылда демографик мәсьәләләрҙе хәл итеүгә 75 миллиард һум бүленәсәк. Был “Демография” милли проекты сиктәрендә башҡарыласаҡ.

Дәүләт башлығы  банктарҙың ғаилә һәм ауыл ипотекаһын ташламалы шарттарҙа биреүҙән баш тартыуы, киреһенсә, юғары ставкалы йәки арттырылған тәүге иғәнә менән шарттар тәҡдим итеүен ярамаған эш итп баһаланы. Президент шулай уҡ льготалы IT-ипотеканы һаҡлап ҡалырға кәрәклеген белдерҙе.