Проект буйынса инвестициялар күләме 25 миллиард һум тәшкил итәсәк, 1,5 мең эш урыны булдырыу күҙаллана. Был агропарк төбәктең аҙыҡ-түлек хәүефһеҙлеге нигеҙҙәренең береһе буласаҡ. Бында республиканың аграр хужалыҡтары, аҙыҡ-түлек етештереүсе предприятиелар өсөн ҙур үҙәк, аҙыҡ-түлекте күмәртәләп һатыу баҙары буласаҡ.
«Таврос» вәкилдәре белдереүенсә, инвестициялар күләме башта 10 миллиард һум тәшкил итәсәк, ә резиденттарҙың артабанғы капитал һалыуын иҫәпкә алғанда, 2025 йылға проектты капиталлаштырыу 25 миллиардҡа етеүе мөмкин, ти улар.