Башҡортостанда мал аҙығы әҙерләү ҡыҙған осор

Бесәнде 408 мең тонна, йәғни планға ҡарата 58 процент әҙерләнгән. Шулай уҡ 18 район хужалыҡтарында  силос һалыу башланған. Әлеге көнгә 64 мең тоннанан ашыу һутлы мал аҙығы һалынған, был планлаштырылған күләмдең 6 процентынан ашыуын тәшкил итә. Иң күп силос Тәтешле районы хужалыҡтарында әҙерләнгән, 31,4 мең тонна. Дөйөм алғанда, республика буйынса шартлы мал башына 14 центнерҙан ашыу мал аҙығы берәмеге тура килә, йәғни планға ҡарата ихтыяждың 57 проценты әҙерләнгән. Оҙайлы ямғырҙар арҡаһында туҡталған эштәр бер мәлгә йыйылып, ауыл хужалығы эшселәренә бөтә төр эштәрҙе көсөргәнешле алып бараған мәлдәр ваҡыты.