Башҡортостанда иген культуралары сәсеүлектәренең 92 процентында уңыш йыйылған

Уртаса уңыш гектарына 21,8 ц тәшкил итә, был 2023 йылғы күрһәткестән юғарыраҡ (19 ц/га).

 Һигеҙ район аграрийҙары тулайым 100 мең тоннанан ашыу иген йыйған, улар араһында лидер булып, 200 мең тоннаға яҡын күрһәткес менән Стәрлетамаҡ районы килә.

Ҡырмыҫҡалы, Саҡмағош һәм Ауырғазы райондары эшсәндәре лә юғары күрһәткестәргә өлгәшеп, гектарынан 30 центнерҙан ашыу йыйған.

      120 мең гектарҙа иген һәм һуңғы культураларҙан - кукуруз, ҡарабойҙай һәм тары йыйып алырға ҡалған. Республикала шулай уҡ майлы культураларҙы һәм шәкәр сөгөлдөрөн йыйыу эштәре дауам итә. Бынан тыш, хужалыҡтарҙа ужым культураларын сәсеү һәм ауыл хужалығы малдары өсөн мал аҙығы әҙерләү тамамланыуға бара. Һуңғы мәғлүмәттәргә ярашлы, 2025 йылда яҙғы сәсеү өсөн 200 мең тоннанан ашыу иген һәм ҡуҙаҡлы иген культуралары орлоҡтары әҙерләнгән.