Балыҡсылыҡты үҫтереүгә 30 миллион һум бирелә

Дөйөм алғанда, төбәк тармағына ярҙамға федераль бюджеттан 30 миллион һум бүленгән. Ҡағиҙәгә ярашлы, хужалыҡтар сығымдарының 40 процентына тиклем ҡаплауға компенсация алыуы мөмкин. Башҡортостанда бөтәһе 70-тән ашыу балыҡсылыҡ хужалығы эшләй, улар 2023 йылда 1,1 мең тонна тауар балығы етештергән. "Күрһәткестәрҙе арттырырға ниәтләйбеҙ. Республикала балыҡҡа һорау бар, был йүнәлеште үҫтерергә теләүселәр ҙә етерлек», — ти ауыл хужалығы министрлығы вәкилдәре. Ведомствола билдәләүҙәренсә, төбәктең балыҡсылыҡ предприятиелары дәүләт ярҙамының башҡа сараларына ла иҫәп тота ала. Уға ҡыҫҡа ваҡытлы һәм инвестицион льготалы кредиттар, фермер гранттары, республика программаһы сиктәрендә ҡорамалдар һатып алыуға сығымдарҙың бер өлөшөн ҡаплау инә.