Башҡортостанда шәкәр етештереү 36 мең тоннанан ашҡан

Дөйөм алғанда, төбәк предприятиелары 340 мең тонна тамыраҙыҡ әҙерләгән, уларҙың 270 мең тоннаһы эшкәртелгән дә инде. Ике завод та дөйөм алғанда 36,2 мең тонна аҡ шәкәр етештергән.

Шул уҡ ваҡытта Башҡортостан аграрийҙары шәкәр сөгөлдөрөн ҡаҙыуҙы дауам итә. Әлегә сәсеү майҙандарының 62 процентында уңыш йыйыу тамамланған.

Тамыраҙыҡтың тулайым йыйымы 947 мең тонна тәшкил итә, уртаса уңыш — гектарынан 380,2 центнер килә.

Әйткәндәй, уҙған йылда «шәкәр» миҙгелендә Башҡортостандың Раевка һәм Шишмә заводтары 1,75 миллион тоннанан ашыу сөгөлдөр эшкәрткән. Предприятиелар дөйөм алғанда 238,3 мең тонна шәкәр етештергән. Был республика халҡының ихтыяждарын бер нисә тапҡырға ҡәнәғәтләндерә.