Яҡташыбыҙ генерал Шайморатов миҙалына лайыҡ булды!

Әбдрәш ауылынан Тимур Лоҡмановҡа - 22 йәш. Махсус хәрби операцияға үҙ теләге менән китә. Аяғына яраланып демобилизациялана. Мәскәү госпиталендә оҙаҡ реабилитацияланғандан һуң Башҡортостанға ҡайта.

«Ватанды һаҡлаусылар» фондының Башҡортостандағы филиалы хеҙмәткәрҙәре саҡырыуы буйынса 2023 йылда волейбол буйынса республика командаһы составында  беренсе «Ватанды һаҡлаусылар" кубогында ҡатнаша. Ул саҡта улар икенсе урынды ала, ә 2024 йылда «Беҙҙең заман геройҙары» турниры ваҡытында алтын миҙал яулай. Бынан тыш, Тимур уҡтан атыу буйынса көмөш миҙалға лайыҡ була.

Ошо көндәрҙә ветеран Башҡортостан Башлығы Радий Хәбиров ҡулынан генерал Шайморатов миҙалы менән бүләкләнде.

Әлеге ваҡытта Тимур Лоҡманов Башҡортостандың Хәрби комиссариатында эшләй һәм әүҙем спорт менән шөғөлләнә.