Милли кейем-халҡыбыҙҙың йөҙө

Буранғол ауылы ҡыҙҙары, игеҙәктәр Әлфиә менән Гөлфиә Хамматоваларҙың талантына һоҡланмаған кеше юҡ. Улар башҡорт милли кейемен популярлаштырыу маҡсатында заманса ҡатын-ҡыҙҙар кейеме коллекциялары менән билдәлелек яулаған оҫта дизайнерҙар.

Башҡортостан Республикаһы Башлығы Радий Хәбиров менән “Тура бәйләнеш” барышында Өфө эшҡыуары Анна Уварова Башҡортостанда етештерелгән кейем өсөн берҙәм логотип булдырыу идеяһы менән мөрәжәғәт итте. - Был башланғыс шәп, дөрөҫ эшләйһегеҙ. Мәҙәниәт министры Әминә Шафиҡова менән беҙ башҡорт эш кейеме идеяһын тормошҡа ашырҙыҡ, күптәр уны рәхәтләнеп кейә. Был ижади индустрия ғына түгел, этнография һәм беҙҙең тарихи тамырҙарыбыҙ , – тине Радий Хәбиров. - Хәҙер был йүнәлеш бик популяр.Сөнки кешеләр тарихын, милли мәҙәниәтен онотмаҫка тейеш. Һеҙҙең идеяғыҙҙы мотлаҡ хупларбыҙ.

Буранғол ауылы ҡыҙҙары, игеҙәктәр Әлфиә менән Гөлфиә Хамматоваларҙың талантына һоҡланмаған кеше юҡ. Улар башҡорт милли кейемен популярлаштырыу маҡсатында заманса ҡатын-ҡыҙҙар кейеме коллекциялары менән билдәлелек яулаған оҫта дизайнерҙар. Әсәләре исеме менән "Миңзифа" брендын булдырған ҡыҙҙарҙың сәхнәгә генә түгел, көндәлек кейгәндәй, матур һәм этно-стилдә күлдәктәре юғары зауыҡ өлгөһө.
Әбйәлил ҡыҙҙары яңыраҡ Санкт-Петербург ҡалаһында уҙған “Содружество моды” халыҡ-ара форумында ҡатнашып, оло еңеү яуланы.

Башҡортостан Республикаһы Башлығы Радий Хәбиров: — Милли кейем – халыҡтың визит карточкаһы, унда уның тарихы, үҙенсәлеге, күңеле сағыла. Бөгөн уға ҡыҙыҡһыныуҙың артыуы өсөн шатмын. Республикабыҙҙа төрлө милләт вәкилдәре күп быуаттар дауамында тыныслыҡта һәм татыулыҡта йәшәй. Беҙҙең дуҫлыҡ, мәҙәниәттең төрлөлөгө, бер-береңде ихтирам итеү һәм ҡыҙыҡһыныу – бөгөн яуызлыҡҡа ҡаршы торорға ярҙам иткән төп байлыҡ һәм ҡеүәтле көс. Беҙ төрлө булһаҡ та, берҙәмбеҙ – һәр ваҡыт шулай булыр.

— Мәртәбәле мода конкурсына саҡырыу алыу беҙҙең өсөн ҙур ҡыуаныс булды. Бөтә Рәсәйҙән ун ғына төбәк һайланған ине һәм беҙгә Башҡортостан исемен яҡлап сығыш яһау оло яуаплылыҡ өҫтәне, бик ентекле әҙерләндек. Форумдың тәүге көнөндә беҙҙең илдең билдәле дизайнерҙары, шул иҫәптән беҙ ҙә коллекцияларыбыҙҙы күрһәттек.

Беҙҙең милли биҙәктәр һалынған кейемдәрҙе жюри ағзалары ғәжәпләнеп ҡараны һәм юғары баһа ҡуйҙы, — тип тәьҫораттары менән уртаҡлашты Әлфиә һәм Гөлфиә. — Икенсе көндә Ангола, Азербайджан, Таджикстан, Үзбәкстан, Төркмәнстандан һәм башҡа илдәрҙән дәрәжәле ҡунаҡтар коллекцияларын тәҡдим итте. Шундай ҙур форумда Сергей Сысоев, Алена Ахмадуллина, Ульяна Сергеенко кеүек Рәсәйҙең билдәле дизайнерҙары менән бергә ҡатнашыу беҙҙең өсөн ҙур ғорурлыҡ булды.
Форумдан һуң улар тура Мәскәүгә юл тота. Унда “Этно-Эрато-2024” Евразия мода конкурсында ҡатнашып, беренсе урынға һәм Ника статуэткаһына лайыҡ булалар. Талантлы ҡыҙҙар еңеүҙәрен әсәләренә бағышлаған.

Элиза Ҡунафина, район ҡатын-ҡыҙҙар советы рәйесе: — Һәр халыҡтың асылын билдәләүсе, рухи байлығын, мәҙәниәтен күрһәтеүсе булып милли кейем тора. Башҡортостанда йәшәгән халыҡтарҙың мәҙәни мираҫын һаҡлау маҡсатында Милли кейем көндәре билдәләнә. Республика Башлығы Радий Хәбировтың башланғысы менән был көндәр йылына ике тапҡыр: апрелдең – өсөнсө, сентябрҙең икенсе йомаһында уҙғарыла. Милли кейемде тергеҙеү, уға ҡарата ҡыҙыҡһыныу уятыу йәһәтенән бик әһәмиәтле һәм кәрәкле сара тип иҫәпләйем. Милли кейем тегеү, биҙәүестәр эшләү буйынса оҫталыҡ дәрестәре күп уҙғарыла башланы. Мәҫәлән, беҙ “Әбйәлил оҫталары” тигән ҙур чат булдырҙыҡ, унда милли кейемдәрҙе дөрөҫ кенә, үҙебеҙҙең ерлеккә хас итеп тегеү буйынса фекер алышабыҙ. Чатта Өфөлә эшләүсе яҡташтарыбыҙ — ғалимдар, музей хеҙмәткәрҙәре, мәҙәниәт белгестәре бар.Иҙеү, һаҡал нимә менән айырылыуын, ҡашмауҙы нисек дөрөҫ эшләү хаҡында йәнле аралашыу бара. Сәхнә кейемдәре генә түгел, ысын башҡорт кейемдәре, әйтәйек, һыпайта күлдәкте нисек дөрөҫ тегергә өйрәнәбеҙ. Милли кейем менән ҡыҙыҡһыныусыларҙың күп булыуы, бигерәк тә йәштәрҙең әүҙем булыуы ҡыуаныслы. Тимәк, милли кейемгә иғтибар ҙур, уны кейәсәктәр — был яҡшы күренеш.

— Милли кейем — ул халҡыбыҙҙың йөҙө. Тарихыбыҙҙы, милли йолаларыбыҙҙы, ғөрөф-ғәҙәттәребеҙҙе онотмайыҡ. Көндәлек тормошта ла этно-стилдә тегелгән нәзәкәтле, нәфис күлдәктәрҙе кейәйек, үҙебеҙҙең рухи хазинабыҙҙы, ата-бабалар ҡомартҡыларын хәтерҙән сығармайыҡ, яңынан тергеҙәйек, — тиҙәр шәп коллекциялар булдырыусы алтын ҡуллы ҡыҙҙар.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85