Яңы табип амбулаторияһы эш башланы

Модуль бинаһы Һаулыҡ Һаҡлау милли проектының беренсел звеноһын модернизациялау төбәк программаһы аша төҙөлә.

    Бина бөтә стандарттарға һәм санитар нормаларға тулыһынса тап килә. Бында 14 тораҡ пункттында  йәшәүселәр медицина ярҙамы аласаҡ. Улар  Охлебинино, Иҫке Юрмаш, Ивано-Казанка, Поступалово, Преображенская, Шеланы, Родники, Слутка, Братский, Асҡаныш, Турбаҫлы, Бибахтино, Амитово, Монһаҙы ауылдарында йәшәүсе  өс меңгә яҡын кеше, шуларҙың 330–ы - балалар.

Йыл һайын республикала иң алыҫ тораҡ пункттарҙа тиҫтәләгән модуль конструкциялар төҙөлә. Быйыл 54 модулле ФАП һәм биш амбулатория төҙөү планлаштырыла.