Өфөлә 118 медицина учреждениеһы яңыртыласаҡ

Бынан тыш, тағы бер төбәк программаһы эшләйәсәк. Уның буйынса биналарҙы капиталь ремонтлау һәм учреждениеларҙы заманса медицина ҡорамалдары, мебель һәм оргтехника менән йыһазлау ҡарала. Дөйөм финанслау күләме 8 миллиард һум.

        Алты йыл эсендә программа ярҙамында 54 өлкәндәр һәм 33 балалар поликлиникаһы, 25 республика медицина учреждениеһы һәм 6 стоматология поликлиникаһы ремонланасаҡ. 2024 йылда был маҡсатҡа республика бюджетынан 500 миллион һум бүленгән. Төбәктең һаулыҡ һаҡлау министрлығы капиталь ремонт башланған биналар исемлеген билдәләне. Улар иҫәбендә – Ҡыуатов исемендәге Республика клиник дауаханаһының диагностика корпусы, Кувыкин һәм Һынаусылар урамдарындағы 2-се балалар поликлиникаһы филиалдары, 5-се балалар поликлиникаһы һәм Республика клиник туберкулезға ҡаршы диспансеры. Медицина учреждениелары өсөн быйыл, дөйөм суммаһы 265,1 миллион һумға 1,6 мең берәмек яңы ҡорамал, мебель һәм оргтехника һатып алыу күҙаллана.