“Салют " балалар реабилитация комплексы асылған

Был балалар учреждениеһы республика етәксеһе башланғысы менән ҡаланың Киров районындағы элекке шифахана нигеҙендә төҙөлә.

      Проектты тормошҡа ашырыуға 2 миллиард һум самаһы аҡса йүнәлтелгән. «Салют» комплексы биналарының дөйөм майҙаны – 25,7 мең квадрат метр тәшкил итә. Бында көнөнә 250 кешегә иҫәпләнгән реабилитация үҙәге, медицина блогы менән стационарҙар, балалар психоневрология һәм эпилептология үҙәге, шулай уҡ 192 урынлыҡ «Йондоҙ» мәктәбе урынлашҡан. Йыл һайын “Салют"та һаулыҡ мөмкинлектәре сикләнгән 7 мең баланы хеҙмәтләндергә мөмкин.