Санитар авиация өсөн ете осоу майҙансығы төҙөләсәк

2030 йылға санитар авиация өсөн ете вертолет майҙансығы төҙөү планлаштырыла. Өфөлә 18-се ҡала клиник дауаханаһының янғын үҙәге янында, Стәрлетамаҡ, Белорет, Нефтекама, Октябрьский, Мәсәғүт һәм Асҡын дауаханалары эргәһендә ашығыс медицина хеҙмәте вертолетының күтәрелеү һәм ултырыу урындары төҙөләсәк.

“Махсус медицина ярҙамы күрһәтеүсе төп медицина үҙәктәре урынлашҡан Өфө биләмәһендә “Республика клиник перинаталь үҙәге" биләмәһендә вертолет майҙансығы бар. Бөтә осоштарҙа РКПЦ-нан йәки Өфө аэропортынан (ҡала үҙәгенән 20 км алыҫлыҡта) башҡарыла», - тиелә проект документында.

Белорет, Нефтекама, Октябрьский, Сибай һәм Стәрлетамаҡ ҡалаларының элекке аэропорттары биләмәһендә яһалма осоу-ултырыу һыҙаттары бар.

       Башҡортостанда санитар авиация бер «Ансат» вертолетынан тора. 2022 йылға тиклем республикала санавиация хеҙмәттәрен “РусАвиа” компанияһы күрһәткән, 2023 йылдан вертолетты хеҙмәтләндереү менән петербургтың “Национальная служба санитарной авиации” акционерҙар йәмғиәте шөғөлләнә. 2022 йылда 52 осош, 2023 йылда 139, 2024 йылда 160 осош башҡарылған.

        Стратегия проектына ярашлы, 2030 йылға санавиация осороуҙың тәүге тәүлегендә ашығыс күрһәтмәләр буйынса дауаханаға һалынған пациенттарҙың өлөшө 91 процентҡа етергә тейеш. Йыл һайын кәм тигәндә 111 пациентты вертолет менән эвакуациялау планлаштырыла.

Рбк Өфө хәбәр итеүенсә, 2020 йылда Башҡортостанда дүрт махсуслаштырылған вертолет майҙансығы — Республика перинаталь үҙәге, БДМУ клиникаһы, Стәрлетамаҡтағы ковид госпитале һәм Белорет үҙәк район клиник дауаханаһы биләмәһендә эшләй. 2024 йылға уларҙың һанын 14-кә еткереү планлаштырыла.