Яралы һалдаттарға ярҙам итеү өсөн Башҡортостанда 100 миллион һум аҡса бүленәсәк

2025 йылда 100 миллион һум бүлеү планлаштырыла, был 2,5 меңдән ашыу махсус операцияла ҡатнашыусыны тергеҙеү мөмкинлеген бирәсәк, тип хәбәр итә республика хөкүмәте. 

" Республика үҙ ойошмаларында ҡатнашыусыларҙы ҡабул итеүсе шифахана-курорт ойошмалары һаны буйынса алдынғылыҡты биләй. Бөтә шифаханаларыбыҙ ҙа ярҙам күрһәтеүҙә әүҙем ҡатнаша: эсәр һыу менән тәьмин итә, гуманитар ярҙам ебәрә, ваҡытлыса урынлаштырыу пункттарын йыһазландыра», — тине Наталья Полянская.

Әлеге ваҡытта МХО-ла ҡатнашыусылар Һәм уларҙың туғандары Башҡортостандың 15 шифаханаһында дауалана. Республика бюджетынан финансланған путевканың хаҡы 14 көн өсөн 60 200 һум һәм 7 көн дауаланған өсөн 30 100 һум тәшкил итә. Шифахана-курорт дауалауына бюджет сығымдары 2023 йылда 82,2 миллион һумдан 2024 йылда 128 миллион һумға тиклем арта, йәғни үҫеш 36 процент тәшкил итә.

Шифахана-курорт картаһын рәсмиләштереү процедураһын ябайлаштырыу мөһим яңылыҡ булып тора. Хәҙер уны туранан-тура һайланған шифаханала алырға мөмкин, был иһә яугирҙәргә артыҡ бюрократик процедураларҙан ҡасырға һәм ваҡытты экономияларға мөмкинлек бирә. Был яугирҙәрҙең тейешле тикшереүҙәрҙе уңайлы һәм артыҡ көс түкмәйенсә үтеүе һәм урында документтар әҙерләүе өсөн эшләнә, тип билдәләнеләр хөкүмәттә.

Өҫтәп үтәйек, Башҡортостанда махсус хәрби операцияла ҡатнашҡан 71 435 кешегә һәм уларҙың ғаилә ағзаларына медицина ярҙамы күрһәтелде, тип хәбәр итте «Башинформ» агентлығы.