Ҡыйыу ҡыҙға - миҙал

Советтар Союзы Геройы Г. Т. Васев исемендәге Михайловка урта мәктәбе уҡыусыһы  Динә Ҡорбанова «Йәш патриот» миҙалы менән бүләкләнде.  Бөтә донъя "Боевое братство" һәм Башҡортостан Республикаһы хәрби хеҙмәтенең Ветерандар Ассоциацияһы наградаһын хәрби-диңгеҙ флотында ҡатнашыусы Радмир Ғиләжев тапшырҙы.

Миҙал Динәнең ирекле хәрәкәткә индергән өлөшөн таныу һәм яугирҙәргә ярҙам иткәне өсөн тапшырылды. «Берегиня» ирекмәндәр төркөмө етәкселәре һәм Динәнең әсәһе Гөлнара Стибай ҡыҙы мәктәпкә һәм ата-әсәйҙәргә балаларында Ватанға ҡарата яуаплылыҡ һәм һөйөү тойғоһо тәрбиәләүҙәре өсөн рәхмәт белдерҙе.

Динәне һәм уның ғаиләһен лайыҡлы награда менән ҡотлайбыҙ! Беҙ йәш патриоттарыбыҙ менән ғорурланабыҙ һәм өлгәшелгәндәр менән генә туҡтап ҡалмаҫҡа теләйбеҙ!