Благовещен заводы тотороҡло эшләй

Инвестиция проекты 2020 йылда тормошҡа ашырыла башлай һәм ҡыҫҡа ваҡыт эсендә завод күпер балкалары, свайҙар һәм тауар бетоны сығарыуға тотона.

Был заводтың продукцияһы Благовещен OZON логистик комплексы, Өфөнөң Зинино ҡасабаһы янында тимер юлы аша үткәүел төҙөүҙә, Өфөнөң Рыленко һәм Пугачев урамдары киҫелешендә юл үткәргестәре, М-12 «Көнсығыш» трассаһы, шулай уҡ тораҡ пункттарҙы урап үтеү юлдарын төҙөүҙә ҡулланылған. Географик урынлашыуы уңайлы булыу сәбәпле предприятие продукцияһы шулай уҡ Түбәнге Новгород, Һамар, Пермь, Ҡазан, Ырымбур һәм башҡа төбәктәргә күперҙәр төҙөүгә оҙатыла.

«Благовещен МЖБК заводы " эшмәкәрлеге күрһәткестәре тотороҡло, ыңғай динамика күрһәтә. Был производствоны үҫтерергә, эш хаҡын ваҡытында түләүҙе һәм артыуын тәьмин итергә мөмкинлек бирә. Предприятиела 400-ҙән ашыу яңы эш урыны булдырылған. Ә кадрҙар әҙерләү һәм хеҙмәткәрҙәрҙең профессиональ үҫеше өсөн завод Өфө дәүләт нефть техник университеты менән хеҙмәттәшлек тураһында килешеү төҙөгән, Башҡортостан архитектура-төҙөлөш колледжы менән дә хеҙмәттәшлек итә.

2020 йылда заводтың килеме 4,5 миллион һум тәшкил итһә, 2023 йылда ул 2 миллиард һум самаһы булған.