Монголияға ОСП һәм ДСП экспортлана

     Һайлап алынған продукция өлгөләре Башҡортостан һынау лабораторияһында карантинға бәйле лаборатор экспертиза үткән. Фитосанитар экспертизалар һөҙөмтәләре буйынса ОСП һәм ДСП-ла карантин организмдары асыҡланмаған. " Оҙатылырға тейеш бөтә ағас продукцияһы импортлаусы илдең талаптарына тап килә. Ағас плитәләр Монголияға контейнер поездары менән оҙатыласаҡ», тигәндәр Россельхознадзорҙың Башҡортостан буйынса идаралығы белгестәре.

    Иҫегеҙгә төшөрәбеҙ, бындай күләмле эштәр «Халыҡ-ара кооперацияһы һәм экспорт» милли проекты ярҙамында тормошҡа ашырыла. Уның маҡсаты 2030 йылға сеймал энергетик булмаған тауарҙар экспортының реаль үҫешен 2020 йыл менән сағыштырғанда кәмендә 70 процентҡа тәьмин итеү.