Цемент үҙебеҙҙә етештерелә

«Цемикс» заводын асыу һөҙөмтәһендә һуңғы биш йылда Әбйәлил районында сәнәғәт продукцияһы күләме 17,5 тапҡырға артҡан. Уҙған йылда был сумма 2 миллиард 200 миллион һумдан ашыу тәшкил иткән. Предприятие йылына 180 мең тонна тирәһе продукция етештерә.

Районда ҙур сәнәғәт объект төҙөү муниципалитеттың кадрҙар ҡеүәтен көсәйтә: заводта 220 яңы эш урыны булдырыла, өҫтәүенә район халҡына баҫым яһала. Заманса юғары технологиялы производствоға 9 мил-лиард һумдан ашыу инвестиция һалынған.
Ил президенты Владимир Путин 2021 йылда заводты рәсми асыу тантанаһында завод эшендә иң алдынғы технологиялар ҡулланылыуын һәм юғары экологик талаптарға яуап биреүен билдәләне.
— Ил кимәлендә ҙур инвестиция проектын уңышлы тормошҡа ашы-рыуығыҙға бик шатмын. Төҙөүселәргә, технологтарға, заводты сафҡа индереүҙә ҡатнашҡандарҙың барыһына ла рәхмәт әйтергә теләйем. Продукция илдең төҙөлөш тармағында ҙур ихтыяж менән файҙаланыр тип ышанам, — тигәйне Владимир Путин.
Башҡортостан Башлығы Радий Хәби-ров билдәләүенсә, проект республика һәм тотош ил иҡтисады өсөн ҙур әһәмиәткә эйә.

— Яңы завод Урал аръяғында төҙөлөш тармағын үҫтереүгә хеҙмәт итә. Был ҡеүәтле предприятие Рәсәй баҙарындағы аҡ цементҡа ихтыяжды тулыһынса ҡаплай аласаҡ. Инвестиция проекты тормошҡа ашырыла башланғандан алып БР хөкүмәте бөтә йүнәлештәр буйынса ла ҙур ярҙам күрһәтте. Завод майҙансығы өсөн ер участкалары сауҙаһыҙ бирелде. Инвестор 10 йылға мөлкәт һалымын түләүҙән азат ителде. Килемгә һалым ставкаһы кәметелде, — тип белдерҙе республика етәксеһе Радий Хәбиров.

Предприятие цементты дымлы ысул менән түгел, ә ҡоро ысул менән етештергәнлектән продукцияның үҙҡиммәте генә түгел, ә атмосфераға кире йоғонтоһо ла һиҙелерлек кәмей. Заводта әйләнешле һыу менән тәьмин итеү системаһы ҡулланыла һәм тирә-яҡ мөхитте бысратыуҙы минималь кимәлгә еткереү автомат контролдә тотола.
Быйыл Цемикста 180 мең тонна аҡ цемент етештереләсәк, киләсәктә был күләм 224 мең тоннаға тиклем артасаҡ. Төп продукциянан тыш, компания төҫлө тротуар һәм фасад плиткалары, башҡа төҙөлөш материалдары етештерә.
Динара САФИУЛЛИНА.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85