«Минең бизнесым» үҙәге күсмә осрашыу үткәрә

Сара «Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам» милли проекты сиктәрендә тормошҡа ашырыла.

 - Башҡортостан Башлығы Радий Хәбировтың ярҙамы менән төбәктә власть менән бизнес араһында даими диалог булдырылды. Бындай күсмә осрашыуҙар урындағы эшҡыуарҙарҙың ихтыяждарын асыҡларға һәм уларға бизнесты үҫтереүгә булышлыҡ иткән хеҙмәттәр тураһында мәғлүмәт бирергә ярҙам итә. Быйыл республиканың 16 муниципалитетынан 250 – гә яҡын эшҡыуар төрлө һорауҙары буйынса консультациялар алды ла инде, - ти Башҡортостан Республикаһының эшҡыуарлыҡ һәм туризм министры Зөһрә Гордиенко.

     Сарала спикерҙар булып Мәләүез районының бизнес-шерифы Альберт Таймасов, Күмертау ҡалаһының «Минең бизнесым» үҙәге етәксеһе Регина Әлимбәкова һәм Мәләүез ҡалаһындағы ПТБ банкы бүлексәһе директоры Марина Финагеева сығыш яһаясаҡ.

       Белгестәр ҡатнашыусыларға эшҡыуарлыҡҡа дәүләт ярҙамының ғәмәлдәге төрҙәре, уларҙы алыу ысулдары, «Минең бизнесым» үҙәгенең пландағы уҡытыу саралары һәм бизнес өсөн кредит продукттары хаҡында һөйләйәсәк.

      Күсмә ҡабул итеү 11:00 сәғәттә Мәләүез ҡалаһы, Воровский урамы, 11-се йорт адресы буйынса үтәсәк.

Әйткәндәй, ағымдағы йылда республиканың 41 муниципаль берәмегендә бөтәһе 20 күсмә консультация үткәреү планлаштырылған.