2026 йылға бюджет 22,5 миллиард һум дефицит менән ҡабул ителде

Уны парламентта Финанс министры вазифаһын башҡарыусы Светлана Малинская тәҡдим итте.

2026 йылда бюджет килеме 316,2 миллиард һум кимәлендә фаразлана, сығымдар 338,7 миллиард һум. Төбәк ҡаҙнаһы дефициты 22,5 миллиард һум тәшкил итәсәк.

Проекттың икенсе уҡыуына 2026 йылға һалым һәм һалым булмаған килемдәр кереме буйынса прогноз 500 миллион һумға, йәки 238,8 миллиард һумға тиклем кәмегән.

Федераль бюджеттан түләүһеҙ керемдәр 2,6 миллиард һумға, йәки 77,4 миллиард һумға тиклем арта. Шул иҫәптән 1,7 миллиард һумға маҡсатлы трансферттар арттырыла ауыл биләмәләрен комплекслы үҫтереүгә, һаулыҡ һаҡлауҙың беренсел звеноһын яңыртыуға, юлдарҙы норматив хәлгә килтереүгә, йәмәғәт транспортын яңыртыуға субсидиялар күләме арта. Территорияларҙы үҫтереү фонды граждандарҙы авария хәлендәге торлаҡтан күсереүгә тағы 900 миллион һум бүлә.

Шулай итеп, 2026 йылға бюджет килеме икенсе уҡыуға 2,1 миллиард һумға, йәки 316,2 миллиард һумға тиклем арта. Сығымдар буйынса план 2,1 миллиард һумға, йәки 338,7 миллиард һумға тиклем арта. Ҡаҙна дефициты үҙгәрмәй һәм 22,5 миллиард һум тәшкил итәсәк.

Шул уҡ ваҡытта 2026 йылда айырым йүнәлештәр буйынса сығымдар аҡсаны ҡайтанан бүлеү һәм резервланған средстволар өлөшөндә үҙгәрештәр иҫәбенә 8 миллиард һумдан ашыуға артасаҡ.

2027 йылға фаразланған килемдәр 334,7 миллиард һум тәшкил итәсәк, сығымдар 343,7 миллиард һум, дефицит 9 миллиард һум кимәлендә планлаштырыла.2028 йылда килемдәр һәм сығымдар 353,9 миллиард һум кимәлендә дефицитһыҙ бюджет күҙаллана.