Йәйге миҙгелдә көнөнә 60-тан ашыу авиарейс башҡарыу планлаштырыла

Былтыр аэропортта пассажирҙар ағымы – 4 процентҡа, ә саф табыш 21 процентҡа артҡан. Һөҙөмтәле эше һәм яҡшы үҫеш динамикаһы арҡаһында предприятие йыллыҡ пассажирҙар ағымын 2 миллиондан 6 миллионға тиклем кеше булған аэропорттар араһында «Рәсәйҙең һауа ҡапҡалары» милли премияһы еңеүсеһе булған.

Пассажирҙар инфраструктураһын үҫтереү, эске авиалиниялар терминалын яңыртыу һәм аэровокзал бинаһы алдын төҙөкләндереү Өфөнөң һауа ҡапҡаларын яңыртыуҙың мөһим йүнәлештәре булған. 2025 йылдың июлендә аэропорт территорияһында 150 номерлы яңы «НЕБОАРТ» ҡунаҡханаһы асылған.

Йәйге миҙгелдә Өфөнән көн һайын 60-тан ашыу рейс башҡарыу планлаштырыла. Атап әйткәндә, Аҡтауға (Ҡаҙағстан) яңы туристик рейс осороуға әҙерләнәләр. Бынан тыш, 2025 йылда асылған Горно-Алтайск һәм Краснодар маршруттары буйынса, шулай уҡ Ҡытайға, Шри – Ланкиға һәм Вьетнамға популяр туристик йүнәлештәр буйынса осоштарҙы дауам ителәсәк.

2026 йылда аэропорттың пассажирҙар инфраструктураһын яңыртыу ҙа дауам итәсәк. Мәҫәлән, пассажирҙарҙың аэровокзал комплексы территорияһындағы осоштар зонаһында хәрәкәт итеү ҡатмарлығы тураһында мөрәжәғәттәре менән бәйле телетраптарҙан багаж ҡабул итеү зонаһына хәрәкәт маршрутын бинаның өсөнсө ҡатына күтәрелмәйенсә оптималләштереү планлаштырыла.