Эшҡыуарҙар өсөн яҡшы яңылыҡ

Рәсәй Президенты Владимир Путин тауар етештереү менән шөғөлләнгән эшҡыуарҙарҙың эшен еңеләйтергә ҡушты. Хәҙер дәүләт кимәлендә бюрократик кәртәләрҙе кәметеү һәм бизнес алып барыуҙы уңайлыраҡ итеү буйынса аныҡ аҙымдар эшләнәсәк.

Хөкүмәткә был мәсьәләне эшлекле берләшмәләр менән берлектә ентекләп өйрәнергә һәм 1 октябргә тиклем тейешле тәҡдимдәрҙе әҙерләргә ҡушылды.

Бынан тыш, иҡтисадты үҫтереү өсөн оҙайлы ваҡытҡа иҫәпләнгән инвестиция проекттарына ла ҙур иғтибар бүленә. 2035 йылға тиклем тормошҡа ашырыласаҡ эре һәм урта проекттар исемлеге төҙөләсәк. Дәүләт уларҙың һәр береһенә ярҙам күрһәтергә һәм оҙатып барырға ниәтләй.