Ғәйнинур инәй республика Башлығын һайланы

Ололар өсөн өйҙә һайлау мөмкинлеге лә бар, әммә Ғәйнур инәй был мөмкинселектән баш тартып, үҙ аяҡтарында һайлау участкаһына килде. 

- Хәрәкәттә-бәрәкәт, үҙ аяҡтарыңда йөрөүгә бер ни ҙә етмәй. Ил- йорт тыныс булһын, һуғыштар бөтөп китһен, уландар иҫән-имен йөрөһөн инде, - тип үҙ теләктәрен белдерҙе инәй. 

Әйткәндәй, 780-се һайлау округында ауыл Советы депутаты Гөлниса Ниғмәтуллина Бейеш Батыр округындағы иң беренсе, иң оло һайлаусыға һәм "Бөтә ғаилә менән - һайлауға" акцияһына тәүгеләрҙән булып ҡушылыусыларға махсус бүләктәр әҙерләгән. Иң оло һайлаусы ла - Ғәйнинур инәй Дәүләтбаева. Депутат уға күстәнәсен тапшырҙы.