Эсәләр ҙә рулгә ултыралар...

Быйыл Башҡортостанда 150-нән ашыу иҫерек водитель тотолған. Был турала республика автоинспекцияһынан хәбәр итәләр. 7 үҫмер иҫерек килеш техника йөрөтөп икенсегә туҡтатыла. Улар енәйәт кодексы буйынса яуап бирә. Быйыл республика юлдарында водитель танытмаһы булмаған мең ярымдан ашыу водитель тотолған. Ундайҙарҙың ата-әсәләре админстратив кодекс буйынса яуапҡа тарттырыла, штраф түләй. 2024 йылда бәлиғ булмағандар ҡатнашлығында 399 авария булған, уларҙы 10 баланың ғүмере өҙөлгән, тигән мәғлүмәттәр бирә Юл хәрәкәте хәүефһеҙлеге ведомствоһы.