Өфөлә наркотиктар менән ағыуланыусылар күберәк теркәлгән

Өфө проблема үҙәгендә: теркәлгән 125 осраҡтың 96-һы төбәктең баш ҡалаһында булған.

Республикала тыйылған матдәләр менән ағыуланыуҙың бөтәһе 125 осрағы теркәлгән, шуларҙың 63-ө үлемгә килтергән. 2024 йылдың ошо уҡ осоро менән сағыштырғанда ағыуланыуҙар һаны 26 процентҡа, ә үлем осраҡтары 34,4 процентҡа кәмегән. 100 мең кешегә ағыуланыу күрһәткесе 4,2-нән 3,1-гә тиклем кәмегән, был ыңғай динамика.

Өфөнән тыш, Стәрлетамаҡта-5, Белоретта һәм Өфө районында — 4 — әр, Нефтекамала һәм Салауатта 3-әр осраҡ теркәлгән. Туймазыла - 2, Бәләбәйҙә, Дүртөйлөлә, Мәләүездә, Октябрьскийҙа, Благовещенда, Иглин, Краснокама һәм Туймазы райондарында берәр осраҡ теркәлгән.

Ағыуланыуҙың дөйөм һаны кәмеүгә ҡарамаҫтан, ҙур ҡалаларҙа, айырыуса Өфөлә, хәл ҡатмарлы булып ҡала. Роспотребнадзор хәлде күҙәтеүен дауам итә һәм иҫкәртеү сараларын көсәйтә.