Депутаттар барлыҡ белем биреү учреждениеларына флаг элеп ҡуйыу бурысын йөкмәтте. Ошо хаҡта тейешле закон икенсе һәм өсөнсө уҡыуҙа ҡабул ителде.

Документҡа ярашлы, 2024 йылдың 1 сентябренән балалар баҡсалары, мәктәптәр, колледждар, техникумдар һәм юғары уҡыу йорттарында йәки уларҙың биләмәләрендә Рәсәй Федерацияһының Дәүләт флагы даими эленеп торорға тейеш.

Бығаса дәүләт флагын даими урынлаштырыу дөйөм белем биреү мәктәптәренә генә ҡағыла ине.