Өфө педагогтары өсөн яңы маҡтаулы исем булдырылған

Исем бирелгән педагогтарға ҡала бюджетынан 50 мең һум күләмендә бер тапҡыр бирелә торған аҡсалата дәртләндереү түләнәсәк. Ә йыл һайын был исемгә 16  уҡытыусыһы дәғүә итә ала.

      – Һис шикһеҙ, дөрөҫ ҡарар ҡабул ителде.  Киләһе йылға премия күләмен һәм бүләкләй алған уҡытыусылар һанын арттырыу мәсьәләһен мотлаҡ тикшерергә кәрәк.

Беҙҙә ҙур эш стажы булған талантлы уҡытыусылар күп, - тип билдәләгән ҡала Советы рәйесе Марат Вәсимов.

        Хәтерегеҙгә

төшөрәбеҙ, 2020 йылда Өфө ҡала советы депутаттары шундай уҡ  «Өфө ҡалаһының Почетлы торлаҡ-коммуналь хужалыҡ хеҙмәткәре» исеме тураһында положение ҡабул итәләр. Уны тармаҡта 20 йылдан кәм булмаған эш стажы булған хеҙмәткәрҙәргә  шәхси ҡаҙаныштары һәм  торлаҡ-коммуналь хужалыҡ өлкәһендә һөҙөмтәле эше өсөн бирелә.