Мәҙәниәт өлкәһендә федераль программалар

1) «Бәләкәй Ватан мәҙәниәте» партия проекты буйынса 100 мәҙәниәт йортон яңыртыуға, матди-техник базаны нығытыуға һәм республиканың туғыҙ театрында яңы спектаклдәр ҡуйыуға 103 миллион һум йүнәлтеләсәк.

Башҡортостандың барлыҡ муниципалитеттарының китапханалары фондын тулыландырыуға Рәсәй мәҙәниәт министрлығы 16 миллион һум аҡса бүлә.

Бынан тыш, иң яҡшы ауыл мәҙәниәт учреждениеларының һәм уларҙың хеҙмәткәрҙәренең 86 проекты һәм ижади башланғысы дөйөм алғанда 6,7 миллион һум күләмендә федераль ҡушма финанслау аласаҡ.

2) Дәүләт милли сәйәсәтен тормошҡа ашырыу буйынса федераль субсидия.

Башҡортостанда биш сара милләттәр эштәре буйынса Федераль агентлыҡтың 10 миллион һумлыҡ субсидияһы иҫәбенә уҙғарыла. Улар иҫәбендә - «XXI быуат славяндары» республика фестивале, Рәсәй көнөнә арналған «Бөтә заман геройҙары» проекты һәм «Башҡортостан халыҡтарының берҙәм ғаиләһендә» милли мәҙәниәттәр фестивале.

3) Масштаблы мәҙәни ваҡиғаларҙы федераль берлектә финанслау.

2026 йылда Башҡортостанда федераль ярҙам менән бөтә рәсәй кимәлендәге ике ҙур мәҙәни сара уҙғарыла.

Мәҫәлән, 27 майҙан 2 июнгә тиклем Өфөлә Рәсәйҙең халыҡ артисы Сергей Безруков етәкселегендә «Ҙур балалар фестивале ЭХОһы» үтәсәк. Өфөгә Бөтә Рәсәй һайлап алыу турын үткән иң яҡшы һигеҙ театр киләсәк, улар балалар өсөн спектаклдәр тәҡдим итәсәктәр.

24-27 июндә Өфө Рәсәй халыҡтарының берҙәмлеге йылына арналған III Бөтә рәсәй балалар фольклориадаһын ҡабул итәсәк.