Предприятие бизнесты үҫтереүгә микрозайм алды

Башҡортостан микрокредит компанияһы Дыуан районынан «Альянс» яуаплылығы сикләнгән йәмғиәтенә йылына 12 процент ставкаһы буйынса 3 йылға 5 миллион һум күләмендә микрозайм бирҙе. Проектты тормошҡа ашырыуға йүнәлтелгән займ буйынса Башҡортостан Республикаһының гарантия фонды поручитель булып сығыш яһаны. Ярҙам «Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам» милли проекты сиктәрендә тормошҡа ашырыла.

– Микрокредит компанияһы – бизнесҡа һығылмалы, уңайлы һәм һөҙөмтәле ярҙам күрһәтеүсе алдынғы төбәк үҫеш институттарының береһе. Ағымдағы йылдың 7 айында компания 168 проектты хупланы, дөйөм суммаһы 294 миллион һумлыҡ эшҡыуарлыҡ займдары бирҙе, – тип аңлатма бирҙе Башҡортостан Республикаһының эшҡыуарлыҡ һәм туризм министры Зөһрә Гордиенко.

Төбәк Башлығы Радий Хәбировтың һәм Башҡортостан Республикаһы Хөкүмәтенең ярҙамы менән микрокредит компанияһын капиталлаштырыу буйынса эш башҡарылды. Бөгөнгө көндә маҡсатлы финанслау средстволары эшҡыуарлыҡ субъекттарына займдар биреү өсөн 822 миллион һум тәшкил итә, ә дөйөм алғанда кредит портфеле 773 миллион һумға етә. Шул уҡ ваҡытта 3 йылға тиклемге кредит буйынса процент ставкалары 4,5% тәшкил итә.

Бәләкәй һәм урта эшҡыуарлыҡ субъекттары һәм үҙмәшғүлдәр дәүләт ярҙамын әйләнештәге средстволарҙы тулыландырыуға, булған займдарҙы рефинанслауға һәм инвестиция маҡсаттарына йүнәлтә.

2018 йылда Теркәлгән «Альянс» яуаплылығы сикләнгән йәмғиәте икмәк һәм кондитер изделиелары етештереү, ярымфабрикаттар эшләү, шулай уҡ ваҡлап һатыу менән шөғөлләнә.

– Үҙебеҙҙең продукцияны һатыу өсөн магазиндар селтәрен киңәйтергә ниәтләйбеҙ. Алынған заем аҡсаһы ҡорамалдар һатып алыуға, биналарҙы ремонтлауға һәм ағымдағы түләүҙәрҙең бер өлөшөн ҡаплауға йүнәлтеләсәк, – тине «Альянс» яуаплылығы сикләнгән йәмғиәте етәксеһе Лидия Серебренникова.

Сығанаҡ: Башҡортостан Республикаһының Эшҡыуарлыҡ һәм туризм министрлығы.

#национальныепроекты#регпроекты #нацпроектыБашкортостан