Теркәлгән тәьмин итеүселәр һаны арта

Башҡортостанда 2024 йылдың туғыҙ айы һөҙөмтәһе буйынса “Бәләкәй күләмдәге сауҙа агрегаторы” мәғлүмәт ярҙамсы системаһында аккредитацияланған тәьмин итеүсләр һаны 15,5 мең эшҡыуар тәшкил иткән. Былтырғы туғыҙ ай менән сағыштырғанда теркәлгән тәьмин итеүселәр һаны 21 процентҡа артҡан. 

– Аҙ күләмдәге һатып алыуҙарҙы һанлаштырыу һатып алыу процесын һиҙелерлек ябайлаштыра, дәүләт һатып алыуҙарына тәьмин итеүселәрҙе киңерәк йәлеп итеүгә булыша. ”Бәләкәй күләмдәге сауҙа агрегаторы” системаһында контракттар ҡыҫҡа ваҡытта дистанцион рәүештә электрон ҡултамға ярҙамында төҙөлә, – тип билдәләне Конкурентлы сәйәсәт буйынса дәүләт комитеты рәйесе вазифаһын башҡарыусы Гөлшат Арыҫланова.

Быйылғы туғыҙ айҙа һатып алыуҙарҙа ҡатнашыуға 45,1 меңдән ашыу заявка бирелгән. Тәьмин итеүселәр уларҙа әүҙем ҡатнаша. Хәүефһеҙлек хеҙмәттәре һәм уларҙы тәьмин итеү ҡорамалдарына  – 3,5 мең, йыйыштырыу хеҙмәттәре һәм биләмәне төҙөкләндереүгә – 3 мең, компьютер һәм селтәр ҡорамалдарына – 2,9 мең, төҙөлөш һәм ремонт эштәренә – 2,8 мең, туҡланыу продукттарына  2,6 мең заявка бирелгән. ”Бәләкәй күләмдәге сауҙа агрегаторы”системаһы бөтә тәьмин итеүселәр өсөн дә асыҡ, ошо һылтама буйынса инә алаһығыҙ https://zakaz.bashkortostan.ru/